Samsung centu po xentu de fontis renoàbilis

Samsung centu po xentu de fontis renoàbilis

Samsung est imbordighendisì a impreai su centu po xentu de fontis renoàbilis po nudriai is atividadis insorus, puru si po imoi sceti in Europa, Usa e Cina, chi funt “mercaus echipagiaus beni de infrastruturas po s’adelantamentu e sa trasmitidura de energia renoòbili”.

Su mannu sudcoreanu at annuntziau chi in custus mercaus is fàbricas, is ufìtzius e is atras struturas aziendalis ant a essi alimentaus sceti cun eletricidadi lìmpia a intru de su duamillabinti.

In Corea de su Sud, Natzioni chi dependit giai giai totu dae craboni e de nucleari, Samsung at sprigau de essi in lìnea cun si pianu stratègicu statali, chi puntat a amanniai de su binti po xentu su tanti de is renoàbilis a intru de su duamillatrinta.

Ocannu sa cumpangia at a fichiri cuarantadus milla chilòmetrus cuadraus de pannellus solaris in sa Samsung Digital City, su quartier generali chi nc’est in sa citadi de Suwon, trinta chilòmetrus a sud de Seul.

In su duamilladexannoi at a tocai a bintunu milla metrus cuadraus de pannellus fotovoltàicus in sa sei de Pyeongtaek, mentras in su duamillabinti at a tocai a sa sei de Hwaseong.

Cun cussa mòvida Samsung intentat de si afilerai a is mannus de sa Silicon Valley, giai in campu po impiticai is bessiduras atruesus de is energias birdis. Sotziedadis cumenti Apple, Google, Facebook e Microsoft pigant parti a Re Cento, chi ponit in paris is aziendas imbordigadas in su centu po xentu de eletricidadi renoàbili.

wp_1003104

I commenti sono chiusi