Mundialis de bòcia, su cuatòrdixi de làmparas chi benit, in Rùssia

Mundialis de bòcia, su cuatòrdixi de làmparas chi benit, in Rùssia

Ofèrridas de billetus a stracu baratu cun sa sorpresa ‘spam’, ‘phishing’, wi-fi pùblicu pagu seguru in is citadis aundi s’anta  fai is partidas, arriscu de imbistidas polìticas a is giassus ufitzialis de is scuadras de bòcia. “Su profetu prus mannu po is hacker at a lompi dae s’amanniamentu de su bracili de impreu bia a totu cussu chi est alliongiau a cussu acontèssiu.

Eus a biri unu amanniamentu de missadas publicitàrias e de giassus apariciaus ad hoc po imbiai a is impreadoris in is medas trampas informàticas, medas bortas antetzipadas dae campagnas de phishing miradas”, sprigat David Gubiani, Security Engineering Manager de Check Point Software Technologies.

In is dis passadas Kaspersky Lab at ghetau unu allarmi trampa a pitzu de is billetus bèndius online, cun is impreadoris vìtimas de cyber-magnaciùmini e perìgulu de fura de is datus cun su phishing. In prus, at sprigau chi su binti po xentu de is arretzas wi-fi pùblicas de is citadis aundi s’at a fai su acontèssiu calcìsticu, no funt seguras poita no impreant sa critografia de su tràvigu.

Atra arriscada est alliongiada a is “disfidas gepolìticas de custu eventu”, sprigant is circadoris de sa sotziedadi de seguresa FireEye.

Previdint imbistidas de arrescidura de servìtziu e de ‘defacement, est a nai sa mudàntzia de su cuntènniu de unu giassu a bortas po arresonis politicas, o puru beffulanas o insulladoras. Una de is tènnicas impreadas dae Anonymous. “Sa tarea principali- narant – et amostai sa Rùssia cumenti dèbili”.