Invitàlia e Microsoft ant firmau unu protocollu

Invitàlia e Microsoft ant firmau unu protocollu

Invitàlia e Microsoft ant firmau unu protocollude acòrdiu finalizau a sa stramudiadura digitali de s’agentzia po s’adelantamentu: sa tarea – si ligit in d-una noda – est simprificai is processus de aintru e amellorai sa calidai e sa lestresa de is servìtzius po sa cuncessioni de is strùmbulus a is impresas.

Invitàlia s’at a podi agiudai cun sa consulèntzia stratègica de Microsoft po renovai sa infrastrutura tennològica insoru e pigai tennologias noas de Cloud Computing e Intelligèntzia artifitziali po otimizai su iter de abaloramentu e donadura de is finantziamentus in su marcu de una lestresa prus manna e prus seguresa.

Sa tarea – sighit sa noda – est permiti  a is impreadoris de chistionai mellus cun sa piatafurma informàtica de s’Agentzia, po pediri is agiudus, connosci in tempu reali su status de sa dimanda insoru de finantziamentu – po esèmpriu a truesus de app dedicadas – e po pigai parti a is eventus aundi Invitàlia e Microsoft ant a apariciai in paris unu Digital Lab, est a nai unu centru de cumpetèntzia po fai in su cloud una piatafurma profetosa po s’agentzia po fai azioni de scouting in is territòrius e fai analisis bonas a scrucullai sa calidadi e s’atùmbidu de is medidas impreadas.

“Gràtzias a Microsoft Invitàlia – at nau Domènico Arcuri, aministradori delegau de s’Agentzia – fait unu atru passu a innantis in s’innoamentu de is processus insorus”.

wp_1003104

I commenti sono chiusi