Cassie, su robot cun dus peis bonu a caminai

Cassie, su robot cun dus peis bonu a caminai

Si tzèrriat Cassie, su robot cun dus peis bonu a caminai in calisisiat terrinu e unu de is candidaus favorèssius po benni a essi su posteri de su benidori, in paris cun droni e atrus tipus de robot: est stètiu fraigau dae s’azienda Agility Robotics, spin-off de sa Oregon State University, ghiada dae Jonathan Hurst, chi at lassau unu pregontu a su giassu Robohub. Cassie si simbillat meda a unu bistrussu, una strutura chi ndi permitit de si movi beni in medas logus diferentis apariciaus dae s’òmini, fendiddu perfetu po sa entrega de pacus e po sa logìstica.

Ma puru po arregolli datus a s’inforas. “Cassie arregordat meda unu pilloni mannu cun cambas longas, chena pinnas e chena conca, mancari sa bisura sua est stètia totu no programada, sceti unu arresultau de is càrculus de nosatrus”, narat Hurst.

Cassie po imoi no tenit sensoris o bisoris de a foras, tandu no podit biri aundi bandas, ma tenit unu sistema chi ndi permitit de arriciri informatzionis a pitzu de su corpus cosa sua: aundi funt is cambas , cantu funt lestras e s’orientamentu insorus.

Portat dexi motoris po is movimentus de is cambas e de mollas amortizadoras po is genugus, chi fait sa caminada prus profetosa.

“Pensu chi unu robot chi podit lompi in dònnia logu lompit una persona – serrat Hurst – at a tenni unu atùmbidu mannu in sa sotziedadi”.

wp_1003104

I commenti sono chiusi